"Мингтепа-маданий мерос" жамоат фонди ташкил этилганидан буён (2018 йилдан) инсоният тамаддунининг бешикларидан бири ҳисобланган қадимий Довон давлатининг пойтахти ҳисобланган Эрши шаҳрининг қолдиғи деб эътироф этилаётган, ҳозирги Марҳамат туманидаги Мингтепа археология ёдгорлиги ва вилоятдаги маданий мерос объектларининг аҳамияти, уларни бус-бутун сақлаш, улар базасида туризмни ташкил этиш ҳамда ривожлантириш орқали аҳоли бандлигини таъминлаш, халқимизга келтирадиган моддий ва маънавий фойдаси, иқтисодий ва ижтимоий самараси, тўғрисида доимий тушунтириш ҳамда тарғибот ишларини олиб бормоқда. Бу борада 100 дан ортиқ ўқув, амалий семинарлар, кўргазмалар, меҳнат ярмаркалари, халқаро форумлар, халқаро фестиваллар, бепул саёҳатлар каби кўплаб тадбирлар ўтказиб келинди.

"Мингтепа-маданий мерос" жамоат фонди юқоридаги фаолиятини 2025 йилда узлуксиз давом эттирди:

1. Фонд фаолиятини кенг жамоатчиликка тарғиб этиш мақсадида www.mingtepa.uz веб-сайтида ва телеграмм ижтимоий тармоғида @mingtepa.uz, @kulolchilik каналларида, Mingtepasayohatchilari телеграмм гуруҳида, Facebook ижтимоий тармоғида Mingtepa гуруҳида маълумотлар жойлаштириб борди.

2. Мингтепа тарихий ёдгорлиги ва вилоятимиздаги бошқа тарихий жойларни, зиёратгоҳларни тариғиб қилиш мақсадида ҳар бири 1 000 нусхадан жами 3 000 нусхада буклетлар, флаерлар (ўзбек, рус ва инглиз тилларида), йўл хариталари яратилди. Шунингдек, ҳар бирига фонд номи ёзилган сувинер (ликоп), сумка, ручка ва ён дафтарчадан иборат 200 та жамланма тайёрланди ва ўтказилган тадбирларда тарғиб қилиш мақсадида тарқатилди

3. "18 апрель - Ёдгорликларни ва тарихий жойларни асраш халқаро куни (Халқаро мерос куни)"га бағишлаб “Аждодларимиз мероси-миллат хазинаси” мавзусида маънавий-маърифий тадбир ва танлов ҳамда кўргазма ўтказилди. Тадбирда олий ўқув юртлари профессор-ўқитувчилари, талабалари, умумтаълим мактаби ўқувчилари ва жамоатчи тарғиботчилари ҳамда коллекционерлардан иборат 200 га яқин иштирокчи қатнашдилар.

4.Жамоат фонди васийлик кенгаши раиси Ш.Хусанова томонидан "Тарихий Мингтепанинг Ўзбекистон тарихида тутган ўрни (биринчи китоб)" номли монографияси чоп этилди.

5. Жамоат фонди васийлик кенгаши раиси Ш.Хусанова томонидан OAK ro‘yxatiga kiritilgan respublika ilmiy jurnallarida 3 ta maqola, xalqaro ilmiy jurnallarida 3 ta ilmiy maqola va xalqaro konferensiyada 5 ta maqola,  maxalliy konferensiyada 1 ta maqola chop etildi.

6. 2025 yil 7 mart kuni efirga uzatilgan O‘zbekiston Milliy teleradiokompaniyasi “O‘zbekiston tarixi” telekanalining “Ekspeditsiya” ko‘rsatuvida фонд томонидан берилган маълумотлар асосида Mingtepa tarixiy yodgorligi haqida махсус курсатув тайёрланиб, эфирга узатилди. Кўрсатувда жамоат фонди васийлик кенгаши раиси Ш.Хусанова  иштирок этди.

 7. Миллий тикланиш расмий сахифасида “Мингтепа ҳақида эшитганмисиз?” курсатуви эфирга узайтирилди.

8. O‘zbekiston Respublikasi Prezidenti Sh.M.Mirziyoyevning 2021-yil 17– 18-iyun kunlari Andijon viloyatiga tashrifi davomida berilgan topshiriqlar va kengaytirilgan tarzda o‘tkazilgan 33-sonli yig‘ilish bayonining 121-bandidagi Marhamat tumanida har ikki yilda bir marotaba “Ko‘hna Dovon sirlari” arxeologiya turizm forumini o‘tkazish vazifalarining ijrosini ta’minlash maqsadida Andijon viloyat hokimligi, Andijon viloyati madaniyat va turizm boshqarmasi, Marhamat tuman xokimligi, Samarqand arxeologiya instituti, Qo‘qon universiteti Andijon filiali va “Mingtepa-madaniy meros” jamoat fondi tomonidan “Ko‘hna Dovon sirlari” arxeologiya turizm forumi dasturi doirasida Dovon (Farg‘ona) davlati tarixiga bag‘ishlangan “Jahon sivilizatsiyasi tizimida Farg‘ona vodiysi qadim va o‘rta asrlar tarixi hamda madaniyati: tadqiqot muammolari va ularning tahlili” mavzusida 2025 йил август ойида xalqaro ilmiy-amaliy anjuman tashkil etildi.

9.  “Ko‘hna Dovon sirlari” arxeologiya turizm forumi dasturi doirasida Dovon (Farg‘ona) davlati tarixiga bag‘ishlangan “Farg‘ona vodiysi qadim va o‘rta asrlar tarixi hamda madaniyati: tadqiqot muammolari va ularning tahlili” Илмий анжуманга илмий мақолалар тўплами нашр қилинди.

10. Фонд рахбари Ортикали Хусановнинг таклифи ва ташаббуси билан Халқ депутатлари Марахамат тумани Кенгашининг 2025 йил 8 апрел куни “Марҳамат туманидаги мадуний меърос объектларини сақлаш ва туризмни ривожлантириш бўйича “Мингтепа-маданий мерос” жамоат фондининг таклифлари тўғрисида” VII-6-39-1-24-K/25- сонли қарори тасдиқланди ва қарор ижроси амалга оширилиб келинди.

11. Андижон вилоят телерадиокомпаниясининг “Андижон томонларда” ва “Умр манзаралари” кўрсатувларида махсус сонларида Мингтепа ёдгорлиги ҳақида ва фонд рахбари Ортикали Хусановнинг фаолияти ва Мингтепа қадимий шаҳрини тарғиб қилишдаги фидоий меҳнатлари ҳақида маълумотлар берилди.

12. 2025 yil 1 октябр kuni efirga uzatilgan O‘zbekiston Milliy teleradiokompaniyasi “O‘zbekiston tarixi” telekanalining “Эл сув ичган дарёлар”  ko‘rsatuvida  жамоат фонди Васийлик Кенгаши аъзоси Боқижон Матбобоевнинг 70 йиллик юбилейига атаб махсус кўрсатув тайёрланиб, эфирга узатилди

13. Андижон вилояти Хонобод шаҳрида 2025 йил 15-17 август кунлари "Дунё садолари" III халқаро фестивали ўтказилди. Ушбу тадбирда "Мингтепа-маданий мерос" жамоат фонди ҳам иштирок этди ва Довон давлати ҳамда Мингтепанинг туризмдаги аҳамияти хақида иштирокчиларга маълумот берилди. Шунингдек, "Мингтепа-маданий мерос" жамоат фонди томонидан тайёрланган Мингтепа археология ёдгорилигининг қадимий кўринишини акс эттирувчи баландлиги 5 метр ва узунлиги 19 метрли "Мингтепа" макети иштирокчиларда катта таъссурот қолдирди.

"Мингтепа-маданий мерос" жамоат фонди буюк тарихимизни ўзида сақлаб келаётган ёдгорликлар ва тарихий жойларни асраш, ўрганиш, ободонлаштириш ва улардан оқилона фойдаланиш борасида бундан буён ҳам узлуксиз ва самарали тарғибот фаолиятини давом эттираверади.

 "Мингтепа-маданий мерос" жамоат фонди маъмурияти.