Ўқув семинар

"Оила" илмий-амалий тадқиқот маркази вилоят бўлими қошидаги махсус ўқув курсида "Келин-куёвлар инновацион мактаби" фаолиятини такомиллаштириш, мутахассислар малакасини ошириш бўйича илмий-амалий семинар бўлиб ўтди.

Семинарда "Келин-куёвлар инновацион мактаб"лари тренерлари, марказнинг туман, шаҳар бўлимлари раҳбарлари, мутахассислари иштирок этди.

- Семинарни ўтказишдан кўзланган асосий мақсад, "Келин-куёвлар инновацион мактаби" тренерларининг фаолиятини самарали йўлга қўйиш, уларнинг илмий-назарий, маънавий-ахлоқий билимларини оширишга кўмаклашиш, - дейди  "Оила" илмий-амалий тадқиқот маркази қошидаги Махсус ўқув курслари раҳбари Моҳира Ҳолиқова.   -  Қолаверса, уларнинг оилавий қадриятлар, анъаналар борасидаги фундаментал, амалий ва инновацион тадқиқотлар билан таништириш, оила институтини ҳар томонлама қўллаб-қувватлаш, бўлғуси келин-куёвларни оилавий ҳаётга тайёрлаш бўйича касбий малакаларини оширишдан иборат.

Тренерларнинг фаолиятларини самарали олиб бориш учун зарур бўлган коучинг, модерация, фасилитация кўникмаларини ривожлантириш мақсадида оила психологияси, оилада ҳуқуқий муносабатлар, оила иқтисоди, оиланинг репродуктив саломатлиги, оилавий ҳаётда маънавий-ахлоқий ҳамда диний қадриятларнинг ўрни ва аҳамияти йўналишлари бўйича интерактив усуллар асосида машғулотлар ўтказилди.

Йўналишлар доирасида ўтказилган машғулотларда мавзу доирасида маърузалар тингланди.

Наргиза ХУШВАҚОВА,

Махсус ўқув курси раҳбари.