Очиқ дарс

Юртимизда ўтказилаётган Ўзбек тили ойлиги доирасида Андижон шаҳридаги 13- ихтисослаштирилган махсус мактаб-интернат ўқитувчиси Нигорахон Ўрмонжонова мактабнинг 6 "А" синфида "Эртаклар - яхшиликка етаклар" мавзусида очиқ дарс ўтказди.

Очиқ дарс тарзидаги логопедия ўқув  машғулоти турли расмлар, кўргазмали воситалар орқали, қизиқарли ўйинлар асосида ўтказилди. Шу боис ҳам ўқувчилар  машғулотда қизиқиш ва фаоллик билан қатнашдилар.

- Бу каби дарслар орқали жисмоний имконияти чекланган болаларнинг нутқни яхшилаш, ўзини эркин тутиш, айтмоқчи бўлган гапини эркин айта олиш кўникмасини мустаҳкамлашга ёрдам беради, - дейди Н. Ўрмонжонова. - Қолаверса, турли ўйинлар билан ўқувчиларнинг дарсга бўлган қизиқишини, ижобий муносабатини юксалтириш мумкин.

Қизиқарли, ўзига хос тарзда ўтилган   машғулот кўнгли ўксик болажонлар маъқул ва манзур бўлди.

Муҳайё ИСМОИЛОВА,

жамоатчи мухбир.