Дунёда топганим,  мўътабар  маскан,

Жаннатим ўзингсан, муқаддас чаман,

Онам деб, болам деб сени қучаман,

Жон она ватаним, онажон замин.

Қанча қора кунни кўрмади бошинг,

Канча оғир юкни елкангга ортдинг.

Канча заҳқумларни ичингга ютдинг,

Эҳ, она ватаним, онажон замин.

Кўплаб улуғ зотлар сенда улғайди,

Кўҳна дунё гувоҳ, кўриб тургайдир,

Бобуринг соғинчдан сўлди, мунғайди,

Эҳ, она ватаним, онажон замин.

Тафтинг бунча иссиқ, меҳринг бунча мўл,

Бошимга иш тушса узатасан қўл,

Сафарга отлансам тилайсан оқ йўл,

Сен она ватаним, онажон замин.

Дилдора  ҚОДИРОВА