(36 - сон )мукофот соҳибаси

- дейди Андижон вилояти телерадиокомпанияси директор ўринбосари, "Шуҳрат" медали соҳибаси  Ферузахон Сиддиқова.

- Мен кимдир кўрсин, мақтасин, деб меҳнат қилмайман. Қолаверса, ўртамиёна ишлаб, шунчаки яшаб ўтишни ҳам хоҳламайман. Ҳаётдаги шиорим: эзгу ишларни бошидан тутиб, ҳамиша интилиб, изланиб яшаш! Юртимга, жамиятга, одамларга нафим тегса, уларга фойда келтирсам дейман.

  Бугун, юрдошларимиз, айниқса, оммавий ахборот воситалари тизимида меҳнат қилаётганлар шунчаки ишлашлари мумкин эмас. Уларнинг зиммасида катта масъулият ётади. Ўта шиддат билан ривожланаётган давр матбуот ходимларидан жамиятимиз ижтимоий-сиёсий ҳаётининг турли жабҳаларидаги, одамлар онг-шууридаги ўзгаришларни, амалга оширилаётган кенг кўламли ислоҳотлар жараёнини, улкан бунёдкорлик ишларини ёритиб бориш, ана шу жараёнларда фаол иштирок этишни тақозо этади. Шу боис ҳам, аксарият ҳамкасбларимизнинг уйдан кўра, кўпроқ меҳнат жамоасида бўлишлари оддий ҳолга айланган.

Ҳаётим, оилам тинч, фарзанд, набираларим бахти, камолидан кўнглим хотиржам. Севимли касбим, мени ҳурмат қиладиган, қўллаб-қувватлайдиган жамоам, мухлисларим бор. Аёл киши учун бундан ортиқ яна қандай бахт бўлиши мумкин? Мустақиллигимизнинг қутлуғ йигирма олти йиллик тўйи арафасида менинг камтарона меҳнатларим инобатга олиниб, "Шуҳрат" медалига муносиб кўрилганлигимдан бошим кўкка етди. Очиғи, бу мен учун ҳақиқий байрам туҳфаси бўлди. Ушбу мукофот нафақт менинг, балки ҳамкасбларимнинг меҳнати эътирофи, бутун жамоамизга берилган мукофот деб биламан.

Ватанимиз тинч, осмонимиз мусаффо бўлсин! Байрамлар байрамларга, тўйлар тўйларга улансин.  Юртдошларимизнинг барча эзгу ниятлари ижобат бўлсин!