ТарҒибот тадбири

Андижон давлат чет тиллари институтида "Янги Ўзбекистоннинг янги конституцияси" мавзусида давра суҳбати бўлиб ўтди.

"Ўзбекистон Республикаси Конституцияси тўғрисида"ги Ўзбекистон Республикаси     конституциявий қонуни лойиҳаси тарғиботига бағишланган давра суҳбатида институт профессор-ўқитувчилари, тюторлари, талабалари, депутатлар, оммавий ахборот воситалари вакиллари иштирок этдилар.

Тадбирда институтнинг Ёшлар масалалари, маънавий-маърифий ишлар бўйича биринчи проректори Ботиржон Аҳмедов, халқ депутатлари вилоят кенгаши депутати, Ўзбекистон Қаҳрамони, профессор Шукуржон Маматқулов,  вилоят кенгаши қонунийликни таъминлаш, суд-ҳуқуқ ва коррупцияга қарши курашиш бўйича доимий комиссияси раиси Мансуржон Бобохонов сўз олиб, "Ўзбекистон Республикаси конституциявий қонуни лойиҳаси мазмун-моҳияти, унга киритилган ўзгартиришлар, нормалар ҳақида иштирокчиларга кенг маълумотлар берди. Янгиланган қомусимизнинг инсон ҳақ-ҳуқуқларини ҳимоя қилиш, жамият ва юрт тараққиётидаги ўрни ва роли ҳақида фикр ва мулоҳазалар билдирди.

 Янгиланаётган конституция  жамиятимизнинг ривожланишидан келиб чиқаётган ҳаётий зарурат эканлиги таъкидланиб, ушбу ҳужжатда белгиланган "Янги Ўзбекистон" ёшларига яратилган кенг имкониятлар, таълим соҳасига қаратилаётган эътиборга оид нормалар, шунингдек, жорий йил 30 апрел куни ўтказиладиган референдум ҳақида тушунчалар берилди. Давра суҳбатида талабалар янги таҳрирдаги конституцияга бефарқ эмасликлари, бўлажак референдумда уни қўллаб-қувватлаб, овоз беришларини билдирди.

Дилшода Абдумуталибова,

Андижон давлат чет тиллар институти талабаси.

ТарҒибот тадбири

Андижон давлат чет тиллари институтида "Янги Ўзбекистоннинг янги конституцияси" мавзусида давра суҳбати бўлиб ўтди.

"Ўзбекистон Республикаси Конституцияси тўғрисида"ги Ўзбекистон Республикаси     конституциявий қонуни лойиҳаси тарғиботига бағишланган давра суҳбатида институт профессор-ўқитувчилари, тюторлари, талабалари, депутатлар, оммавий ахборот воситалари вакиллари иштирок этдилар.

Тадбирда институтнинг Ёшлар масалалари, маънавий-маърифий ишлар бўйича биринчи проректори Ботиржон Аҳмедов, халқ депутатлари вилоят кенгаши депутати, Ўзбекистон Қаҳрамони, профессор Шукуржон Маматқулов,  вилоят кенгаши қонунийликни таъминлаш, суд-ҳуқуқ ва коррупцияга қарши курашиш бўйича доимий комиссияси раиси Мансуржон Бобохонов сўз олиб, "Ўзбекистон Республикаси конституциявий қонуни лойиҳаси мазмун-моҳияти, унга киритилган ўзгартиришлар, нормалар ҳақида иштирокчиларга кенг маълумотлар берди. Янгиланган қомусимизнинг инсон ҳақ-ҳуқуқларини ҳимоя қилиш, жамият ва юрт тараққиётидаги ўрни ва роли ҳақида фикр ва мулоҳазалар билдирди.

 Янгиланаётган конституция  жамиятимизнинг ривожланишидан келиб чиқаётган ҳаётий зарурат эканлиги таъкидланиб, ушбу ҳужжатда белгиланган "Янги Ўзбекистон" ёшларига яратилган кенг имкониятлар, таълим соҳасига қаратилаётган эътиборга оид нормалар, шунингдек, жорий йил 30 апрел куни ўтказиладиган референдум ҳақида тушунчалар берилди. Давра суҳбатида талабалар янги таҳрирдаги конституцияга бефарқ эмасликлари, бўлажак референдумда уни қўллаб-қувватлаб, овоз беришларини билдирди.

Дилшода Абдумуталибова,

Андижон давлат чет тиллар институти талабаси.

ТАНЛОВ

Булоқбоши туманида "Ёш чегарачилар" мусобақасининг туман босқичи бўлиб ўтди.

Ўзбекистон Ёшлар иттифоқи туман кенгаши, халқ таълими ҳамда Ўзбекистон Республикаси Давлат хавфсизлик хизмати туман бўлими ҳамкорлигида ўтказилган танловда тумандаги 55-, 68- ихтисослашган давлат умумтаълим мактаблари ҳамда 4-,    19-, 26-, 20- ва 23- умумтаълим мактаблари жамоалари қатнашдилар.

Президентимизнинг ўтган йилнинг декабрь ойида Олий Мажлисга ва Ўзбекистон халқига қилган мурожаатида юртимиз ёшларини ватанпарварлик руҳида тарбиялаш борасидаги ишлар кўлами ва самарадорлигини ошириш юзасидан айтиб ўтган  фикр-ларидан келиб чиқиб, қолаверса, миллий армиямизнинг қудрати ва салоҳиятини юксалтириш, ёш авлодни Ватанга, ҳарбий   бурчга садоқат руҳида тарбиялаш, уларнинг руҳий ва жисмоний тайёргарлигини мустаҳкамлаш мақсадида ўтказилган танловда ўқувчи ёшлар ўзларининг ҳарбий соҳадаги билим ва кўникмаларини намойиш этишди.

Мусобақа қатнашчилари сафда қўшиқ айтиш, , югуриш, турникка тортилиш, қуролни     қисмларга ажратиш ва йиғиш, кўргазмали воситаларни намойиш этиш шартлари асосида ғолиблик учун баҳс олиб бордилар.

Қизиқарли баҳсларга бой бўлган мусобақанинг якуний натижаларига кўра, Ширмонбулоқ маҳалласида жойлашган 55- ИДУМ жамоаси биринчи ўринни эгаллаб, танловнинг вилоят босқичида қатнашиш ҳуқуқини қўлга киритди. Мусобақада иккинчи ўрин 68- ИДУМ, учинчи ўрин эса, 55- умумтаълим мактаби жамоасига насиб этди.

Ғолиб ва совриндорларни туман ҳокими Ўткирбек Маъмуров ташкилотчиларнинг фахрий ёрлиқ ва эсдалик совғалари билан тақдирлади.

Бобуржон ОЛТИБОЕВ,

ҳарбий қисм командирининг тарбиявий ва мафкуравий ишлар бўйича

ўринбосари, лейтенант.

фаол аёлларимиз

"Бугун  ҳар биримиз чексиз миннатдорлик ҳисси билан Яратганнинг буюк мўъжизаси бўлган аёл зотига - меҳрибон оналаримиз, қадрли опа-сингилларимиз,  лобар қизларимиз шаънига энг гўзал сўзларни айтишимиз табиийдир. Биз сизларни энг аввало, фидоийлик тимсоли деб биламиз. Меҳри дарё қалбингиз, ақл-заковатингиз, севги ва садоқатингиз учун сизлардан бир умр   қарздормиз ..." дея эҳтиром кўрсатганди мунис аёлларимизга  юртбошимиз Шавкат Мирзиёев ҳалқаро хотин-қизлар кунига бағишланган тантанали маросимда сўзлаган нутқида.

Бу сўзлар кўплаб тиришқоқ ва меҳнаткаш, фидоий аёлларимизни таърифлаганидек  Булоқбоши тумани маданият маркази раҳбари Холисхон Жалолова ҳақида ҳам айтилгандек гўё. Юриш-туришида шиддат акс этиб турадиган, ишга масъулият билан ёндашадигон  бу аёлдаги жўшқинликни кўрган киши кўзлари олдига ҳайқириб оқадиган дарё келади беихтиёр.

Холисхон Жалолова Тошкент давлат маданият институтини 1985 йили битиргач, туман ҳокимиятининг бир қатор масъул лавозимларида фаолият кўрсатди. Шу билан бирга, Москвадаги олий партия мактабида ҳам таҳсил олди. Мана бир неча йилдирки, тумандаги маданият маркази раҳбари сифатида хизмат қилиб келмоқда. Ўттиз йилдирки, туманнинг маънавий-маърифий, маданий ривожланишига ҳисса қўшиб келаётган Холисхон опа ташаббускор ва янгиликларга интилувчан раҳбар сифатида марказ жамоасида ҳурмат қозонган. Ишда талабчан раҳбар меҳнат ва ижро интизомини йўлга қўйиб ҳукуматимизнинг соҳага оид  қарор ва фармонларини, топшириқларини ўз вақтида адо этиб келмоқда.

Ўз ишининг етук мутахассиси, ишбилармон аёл сифатида ўз фаолиятида оила ва хотин-қизлар, маҳалла ва нуронийларни қўллаб-қувватлаш туман бўлимлари, ҳалқ таълими, Ёшлар иттифоқи, мудофаа бўлимлари  ҳамда сиёсий партиялар билан мустаҳкам алоқа ўрнатган. Улар билан ҳамкорликда кўплаб маданий-маърифий тадбирлар, давра суҳбатлари, учрашув ва кечалар ташкил этган.

Туман аҳолиси, айниқса, ёшлар маънавиятини оширишдаги хизматлари ҳукуматимиз томонидан муносиб тақдирланган. У "Ўзбекистон Мустақиллигининг 15  йиллиги", "Мустақилликнинг 25 йиллиги ", "Ўзбекис-тон Конституциясининг 30 йиллиги"  ҳамда Ўзбекистон Республикаси Маданият вазирлигининг "Маданият ва санъат фидокори"  кўкрак нишонлари билан мукофотланган. Жорий йилди эса "Мўътабар аёл" кўкрак нишони билан тақдирланди.

- Тумандагина  эмас, балки вилоят, республика миқёсидаги чиқишлар,  байрам тадбирларида иштирок этиш катта масъулият талаб этади, - дейди Холисхон опа Жалолова биз билан суҳбатда. - Ана шу масъулиятни ҳис этган жамоамиз нозик дидли ҳалқимизга хушкайфият бағишлайдиган дилбар наволар, гўзал рақслар билан хизмат қилиш йўлида тун-у кун изланишда. Зеро, жамоамизнинг асосий қисмини оёғидан ўт чақнайдиган, жонсарак ёшлар ташкил этади. Улар  ўз устларида тинимсиз ишлайдиган, санъатга меҳр қўйган кишилардир.

Орамизда Холисхон опа сингари фаол ва фидойи аёллар бор экан, ҳаётимиз янада мазмунли, жамиятимиз эса янада юксалиб бораверавди.

Собиржон СОТВОЛДИЕВ,  туман маданият ва туризм бўлими матбуот котиби.

Қарор ва ижро

Аҳоли ва тиббиёт муассасаларининг арзон ва сифатли дори-дармон воситалари ҳамда тиббиёт буюмлари билан таъминланганлик даражасини янада ошириш, уларнинг нархини белгилаш бўйича очиқ-ошкора механизмни жорий этиш, мамлакатимизда арзон ва сифатли препаратлар бўлишига қарамасдан ташхис қўйиш ва даволаш стандарт-ларида кўзда тутилмаган ҳамда асосан, қиммат импорт дори-дармон воситаларини тавсия этиш каби номақбул амалиётнинг олдини олиш ва келгусида бундай ҳолатларга йўл қўймаслик мақсадида: Ўзбекистон Республикаси Президенти томонидан 2016 йил 31 октябрда "Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғриси"да қарор қабул қилинган бўлиб, ушбу қарорда мазкур йўналишдаги ишларни тартибга солиш бўйича қатор муҳим вазифалар белгиланган. Жумладан,қарорда:

Четдан олиб келинадиган, шунингдек, мамлакатимиз ишлаб чиқарувчиларидан сотиб олинадиган дори-дармон воситалари ва тиббиёт буюмларини улгуржи ва чакана сотиш уларни етказиб беришда иштирок этувчи воситачилар сонидан қатъи назар, улгуржи савдо учун сотиб олинган қийматидан 15 фоиздан, чакана савдо учун улгуржи нархидан 20 фоиздан ортиқ бўлмаган миқдорларда белгиланадиган чекланган савдо устамалари қўлланилган ҳолда амалга оширилиши белгиланган.

Шу билан бирга, қарорга кўра:            

- Юридик шахслар томонидан дори-дармон воситалари ва тиббиёт буюмларига нарх белгилаш тартиби қўпол бузилганлиги учун лицензияни бекор қилиш тартиби;

- шифокорларнинг дори-дармон воситаларини тавсия этиш ва дорихоналарда дори-дармон воситаларини бериш тартиби тўғрисидаги низом тасдиқланди.

Ўзбекистон Республикаси Монополияга қарши курашиш қўмитаси ҳузуридаги Истеъмолчилар ҳуқуқларини ҳимоя қилиш агентлиги ва Ўзбекистон Республикаси Монополияга қарши курашиш қўмитасининг ҳудудий бошқармаларининг истеъмолчилар ҳуқуқларини ҳимоя қилиш ва реклама фаолиятини тартибга солиш бошқармалари зиммасига дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар, улар нархининг давлат томонидан белгиланган тартибларига риоя этишини тизимли асосда назорат қилиш вазифаси юкланган.

Шу ўринда таъкидлаш керакки, дори-дармон сотиш билан шуғулланувчи тадбиркорлар ўта кўпайган бугунги кунда харидорлар истеъмолчи сифатида ўз ҳуқуқларини яхши билишлари муҳимдир. қолаверса, дориларнинг сотилиши, уларнинг нарх-навоси билан боғлиқ тартиблардан хабардор бўлишлари ҳам турли муаммолар келиб чиқишининг олдини олишга хизмат қилади.  Умуман, бу борада аҳолининг ҳуқуқий билимларини юксалтириш, қонунчиликка амал қилиш бўйича жамоатчилик назоратини кучайтириш долзарб масалалардан бири ҳисобланади.

Муҳаммаджон МАВЛОНОВ,

Избоскан тумани адлия бўлими юридик хизмат кўрсатиш маркази бошлиғи.

муносабат

Мамлакатимизда фуқароларнинг эмин-эркин ибодат қилишлари, мусулмонларнинг ўз зиммаларидаги диний арконларни бекаму кўст адо этишлари учун зарур барча шароитлар яратилган. Бугун халқимизга мана шундай асрий орзулар рўёбини туҳфа этган улуғ неъмат - истиқлолимизга, тинч-осойишта ҳаётимизга шукроналик ҳар бир  юртдошимиз қалбида жўш урмоқда.

Айниқса, бугунги муборак Рамазон ойида буни янада чуқурроқ ҳис этамиз. Ёши элликдан ошган юртдошларимиз яхши эслайди. Бир пайтлар рўза тутиш, намоз ўқиш, ҳажга бориш,    ҳайит байрамларини нишонлаш учун кўп тўсиқлар қўйилганди,     тазйиқлар бўлар эди. Яратганга беадад шукрларки, бундай ҳолатлар тарихда қолди.

Бугун Президентимиз, ҳукуматимиз томонидан олиб бораётган оқилона диний сиёсат туфайли халқимизнинг асрий орзулари ушалмоқда. Кейинги йилларда юртимизда диний эркинликни таъминлаш бўйича қанча-қанча ибратли ишлар олиб борилмоқда. Янги-янги масжидлар ишга тушди, Қуръон маркази ташкил этилди, мадрасалар қошида Қуръонни ўрганиш бўйича курслар фаолият кўрсатмоқда, Қуръон танловлари ўтказилмоқда. Масжидларда, маҳаллаларда имом-хатиблар, отинойилар расман иш олиб бормоқда. Буларнинг бари, динимизга, диний қадриятларга, халқимизнинг эътиқод эркинлигини таъминлашга кўрсатилаётган эътиборнинг ёрқин намунасидир.

Бугунги кунда Президентимиз ташаббуси билан юртимизда нафақат дин, эътиқод эркинлигини таъминлашга, балки инсон қадрини улуғлашга қаратилаётган эътибор барчамизни беҳад қувонтиради. Хизмат юзасидан вилоятимиздаги кўп маҳаллаларда бўламан, кўплаб одамлар, аёллар билан суҳбатлашаман. Чекка-чекка ҳудудларда давлатимиздан кўмак олган, яъни кредит олиб ўз ишини бошлаган, субсидия асосида тикув машинаси олган ёки  фарзандининг операцияси учун ёрдам пули берилган эҳтиёжманд, қийин шароитларда яшаётган аёлларнинг миннатдорчилик сўзларини эшитиб, қувонч ёшларини кўриб тўлқиланиб кетаман. Тан олайлик, халқимиз бундай эътиборни, кўмакни авваллари ҳеч кўрмаган.

Ана шундай эътибор, қолаверса, халқимиз бошида оддий одамлар учун қайғураётган, одамларнинг оғирини енгил қилаётган юртбоши турганлиги учун Яратганга беадад шукрлар бўлсин.

Давлатимиз раҳбарининг топшириғи билан биргина Андижон вилоятининг ўзидан 100 нафар эҳтиёжманд, кам таъминланган оила вакилларининг Умра сафарига юборилганлиги эса оддий инсонларга бўлган эътибор, меҳр-оқибат, одамийликнинг амалий ифодаси десам асло муболаға бўлмайди. Умра сафарига кетган ва бориб қайтганлар орасида вилоятимизнинг турли ҳудудларида фаолият олиб бораётган ёлғиз яшовчи, боқувчисини йўқотган 3 нафар отинойининг борлиги бизни беҳад қувонтиради.

Динимизда инсон кўнглини обод қилишлик энг хайрли ва савобли амаллардан ҳисобланади. Илоҳим, юртимизда ана шундай эзгу амаллар, хайрли ишлар бардавом, силаи раҳм, меҳр-оқибат, саховат кўрсатишдек хайрли ишларнинг бошида турган юртбошимиз, яхши инсонлар ҳамиша омон бўлсин, фаолиятларига Аллоҳ куч-қувват, барака берсин.

Очиғи, кундан-кунга юксалиб, обод бўлаётган, дини ислом, инсон қадри улуғланаётган шу  юртда яшаётганлигимдан, дунё ҳавас қилса арзийдиган  юрт фарзанди эканлигимдан фахрланаман. Юртимизга, тинчлигимизга асло кўз тегмасин.

Шоирахон  ҚОСИМОВА,

Андижон вилояти бош отинойси,"Шуҳрат" медали

совриндори.

Ташаббус

"Яшил макон" умуммиллий лойиҳаси доирасида вилоятда кўчат экиш, яшил ҳудудларни барпо этиш борасидаги ишлар бутун вилоятимизда бўлгани каби туманимизда ҳам қизғин давом этмоқда. Мазкур жараёнда нуронийлар, хотин-қизлар фаол қатнашмоқда.

Туман оила ва хотин-қизлар бўлими ташаббуси билан маҳаллаларда иш олиб бораётган хотин-қизлар фаоллари томонидан "Яшил макон" умуммиллий лойиҳаси доирасида барпо этилаётган "Оналар боғи"га нуроний онахонларнинг дуолари билан мевали, манзарали дарахт ҳамда гул кўчатлари ўтқазилди.

Кўчат экиш, юртни обод қилиш хайрли ва савобли иш. Мақсадимиз, юртимизда яшил ҳудудларни барпо этишдек    хайрли ишга, туманимизни янада обод қилишга ўзимизнинг муносиб ҳиссамизни қўшишдир. Шу ўринда кўчат экиш, ободонлаштириш  ишларида нафақат маҳалла хотин-қизлар фаоллари, балки раҳбар, депутат, тадбиркор опа-сингилларимиз, уй бекалари, онахонлар, қизларимиз ҳам фаол қатнашаётганлигини алоҳида таъкидлашни истар эдим.

Барпо этилаётган "Оналар боғи"га кўчат экиш жараёнида Андижон вилояти ҳокими Шуҳратбек Абдураҳмонов ҳам иштирок этди. Кўчат экиб, ушбу хайрли ишга ўз ҳиссасини қўшди. Қўрғонтепалик аёлларнинг ибратли ташаббусига юқори баҳо берди.

Зилолахон РАҲМОНОВА,

Қўрғонтепа тумани ҳокимининг ўринбосари, оила ва хотин-қизлар бўлими

бошлиғи.

ТарҒибот

Шу кунларда бутун мамлакатимизда бўлгани каби вилоятимизда ҳам Ўзбекистоннинг янгиланаётган конституцияси тарғиботига бағишланган тадбирлар, учрашувлар, давра суҳбатлари бўлиб ўтмоқда. 

Ўзбекистон Савдо-саноат палатаси Андижон вилояти ҳудудий бошқармаси ташаббуси билан "Ўзбекистон Республикаси Конституцияси тўғрисида"ги Ўзбекистон Республикаси конституциявий қонуни лойиҳаси ҳамда жорий йил 30 апрель куни бўлиб ўтадиган референдум тарғиботига бағишланиб, Андижон тумани Куйганёр шаҳарчасидаги "Ravon taraqqiyot orzusu" масъулияти чекланган жамиятида ташкил этилган тадбир ана шу йўналишдаги тадбирлардан бири бўлди.

"Конституция - ўзимизники" шиори остидаги тарғибот тадбирида айни кунда минг нафарга яқин киши меҳнат қилаётган корхона ишчи-ходимлари, тумандаги тадбиркорлик субъектлари вакиллари иштирок этдилар.

Тадбирда мамлакатимиз янгиланаётган конституциянинг мазмун-моҳияти, унинг жамият равнақи, фуқароларимиз ҳуқуқ ва манфаатлари ҳимоясини мустаҳкамлаш борасидаги ўрни, роли ва аҳамияти, шунингдек, жорий йилнинг 30 апрель куни бўлиб ўтадиган умумхалқ референдуми  хусусида сўз юритилди.

Тадбирда янгиланаётган конституциямизда қатор йўналишларда, хусусан, ишбилармонлик муҳитини шакллантириш, тадбиркорлик, мулк ҳуқуқини ҳимоя қилиш бўйича белгиланган модда ва нормалар ҳақида иштирокчиларга маълумотлар берилди.

-      Янгиланаётган Конституциямизнинг 67- моддасида "Давлат  қулай  инвестициявий  ва  ишбилармонлик  муҳитини таъминлайди" деган жумла баён этилган, - дейди Ўзбекистон Савдо-саноат палатаси Андижон вилояти ҳудудий бошқармаси бошлиғи Жасурбек Қўчқоров. - Шунингдек, "Тадбиркорлар  қонунчиликка  мувофиқ  ҳар  қандай  фаолиятни амалга  оширишга  ва  ўз  фаолияти  йўналишларини  мустақил  равишда танлашга ҳақли" дея белгилаб қўйилди. Умуман, ушбу ҳужжатда тадбиркорлар ҳақ-ҳуқуқлари ҳимоясини таъминлашга қаратилган қатор нормалар борки, бу шубҳасиз, юртимиздаги ҳар бир тадбиркорни руҳлантиради.

Тадбирда сўз олган "Ravon taraqqiyot orzusu" масъулияти чекланган жамияти раҳбари Ҳабибулло Қипчоқов ва бошқа тадбиркорлар  30 апрель куни ўтказиладиган умумхалқ референдумида барча тадбиркорларни фаол қатнашишга, янгиланаётган конституциямизни маъқуллаб овоз беришга чақирди.

Тадбир давомида таниқли санъаткорлар томонидан ижро этилган шўх куй ва қўшиқлар иштирокчиларга кўтаринки кайфият улашди.

Сожида САИДОВА

Ушбу саҳифа Ўзбекистон Респубикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди гранти асосида "Ислоҳотлар самараси ва инсон қадрини улуғлаш - жамият тараққиётининг муҳим мезони"  лойиҳаси доирасида чоп этилди.

Жараён

Президентимиз Шавкат Мирзиёев шу йил 1 февраль куни вилоятимизга ташрифи доирасида Янги Андижон шаҳрида ўтказилган йиғилишда камбағалликни қисқартириш ва аҳоли бандлигини таъминлаш, бу борада зарур шароитлар яратиш бўйича қатор вазифалар белгилаб берган, ишбилармон ва меҳнатсевар одамлар юрти бўлган Андижонни ишсизликдан холи ҳудудга айлантириш мумкинлигини алоҳида таъкидлаган эди.

Айни кунда барча туман ва шаҳарларда ана шу вазифалардан келиб чиқиб, ишсиз, доимий даромадга эга бўлмаган аҳоли бандлигини таъминлашга қаратилган зарур ишлар олиб борилмоқда.

Андижон шаҳридаги Мономарказда шаҳар ҳокими Ғофуржон Абдураҳмонов, сектор раҳбарлари, кенг жамоатчилик вакиллари иштирокида тадбиркорлик қилиш истагидаги, ишсиз, эҳтиёжманд 94 нафар хотин-қизга ҳоким ёрдамчилари  тавсияси билан субсидия асосида тикув машиналари топширилиши ана шу йўналишдаги ишлардан бири бўлди.

-      Кейинги йилларда Президентимиз ташаббуси билан мамлакатимизда хотин-қизларни ҳар томонлама қўллаб-қувватлаш, муаммоларини ҳал этиш, ижтимоий ҳимоясини кучайтириш, айниқса, бандлигини таъминлаш масалаларига алоҳида эътибор қаратилмоқда, - дейди Андижон шаҳар ҳокимининг ўринбосари, оила ва хотин-қизлар бўлими бошлиғи Наргиза Улуғбекова. - Бу борада Андижон шаҳрида ҳам изчил ва тизимли ишлар олиб борилмоқда. Хусусан, субсидия асосида тикув машиналарининг берилиши билан кўплаб эҳтиёжманд опа-сингилларимизнинг бандлиги таъминланди, уларнинг доимий даромад манбаи шакллантирилди.

Андижон шаҳри маҳаллаларида "Аёллар дафтари" ҳамда "Ёшлар дафтари"га киритилган хотин-қизлар бандлигини таъминлаш, уларнинг доимий даромад манбаини шакллантириш бўйича эътиборга молик ишлар олиб борилмоқда. Хусусан, субсидия асосида тикув машиналари олиб, ўз хонадонида тикувчилик фаолияти билан шуғулланаётган аёллар сафи тобора ортиб бормоқда.

-      Чеварликни ўрганганман, лекин тикув машинам йўқлиги учун бу иш билан шуғуллана олмаётган эдим, - дейди Боғишамол маҳалласида яшовчи Ҳилолахон Каримова. - Ишсизлигим боис, шароит, имконият ва қизиқишларимизни ўрганган мутасаддилардан тикув машинаси сотиб олишимга кўмаклашишларини сўраган эдим. Кўп ўтмасдан нафақат менга, мен каби кўплаб аёлларга тикув машиналари берилди. Энди хонадонимда тикувчилик билан шуғулланиб, даромад топиш имконига эга бўлдим.

Андижон шаҳрида хотин-қизлар, айниқса, "Аёллар дафтари", "Ёшлар дафтари"да турувчи эҳтиёжманд аёл ва қизлар бандлигини таъминлаш, уларнинг даромад манбаини шакллантиришга қаратилган юқоридаги каби ишлар давом этмоқда.

Фахриддин ИБАЙДУЛЛАЕВ

Ушбу саҳифа Ўзбекистон Респубикаси Олий Мажлиси ҳузуридаги Нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди гранти асосида "Ислоҳотлар самараси ва инсон қадрини улуғлаш - жамият тараққиётининг муҳим мезони"  лойиҳаси доирасида чоп этилди.     

Бўстон бўлса фасли муҳаббат,

Ошиқ унда сайраган булбул.

Ҳимматингиз тутингу баланд,

Аёлларга совға қилинг гул.

Тошдан қаттиқ деса ишонманг,

Гул баргидан нозикдур кўнгил.

Висолига етмоққа шошинг,

Аёлларга совға қилинг гул.

Мўъжизалар яшар шахтида,

Қадам қўйса гуллаб кетар чўл.

Учратсангиз сокин вақтида,

Аёлларга совға қилинг гул.

Баҳордаги дарё мисоли,

Ҳузурига доим изланг йўл.

Аёл эрур бахтнинг тимсоли,

Аёлларга совға қилинг гул.

Ҳаёт қадрин билди, Зурафо,

Симу зардан ортиқ экан дил.

Ёрингиздан кутсангиз вафо,

Аёлларга совға қилинг гул.

Зурафо НАРЗУЛЛАЕВА