Мулоҳаза

      Бугунги глобаллашув даврида ижтимоий тармоқлардан   фойлаланувчилар сони кундан-кунга ортиб бораётгани сир эмас. Етти ёшдан етмиш ёшгача бўлган инсонлар ижтимоий тармоқлардан фойдаланаётгани ҳам бор гап. Албатта, замон билан ҳамнафас, ҳамқадам  бўлиб яшаш зарур. Аммо....

     Гап шундаки, ижтимоий тармоқларда берилаётган ҳар қандай хабар, маълумотлар доим ҳам тўғри бўлавермайди. Берилаётган хабарларнинг тўғри ёки нотўғри эканлигини, яхшисини ёмонидан ажратиб олиш эса кишидан билим, тафаккур талаб этади. Бугун, айниқса, ёшларимиз бу масалада тўғри йўлни топа олмаётганлигини ҳам тан олишимиз керак.

Етарли билим, тафаккур ва мулоҳаза қилишга қодир бўлмаган айрим ёшларимиз интернетда тарқалаётган маълумотлар туфайли турли ёт ғоялар, “оммавий маданият” кўринишлари таъсирига тушиб қолаётганликлари барчамизни ташвишга солади.

/оялар кураши кетаётган бугунги таҳликали бир даврда ёшларимизнинг тафаккури, келажаги ва камолоти билан боғлиқ ана шу масалада педагоглар,  зиёлилар эътиборсизлик қилиши, ёшларни ўз ҳолига ташлаб қўйишлари мумкин эмас. Интернетдан фойдаланишда ёшларни назоратга олиши, ҳар куни, ҳар соатда уларга зарур тавсия ва маслаҳатлар бериб боришлари, уларни китоб ўқишга, илм олишга ундашлари керак.

Шу ўринда кутубхоначилик соҳасида орттирган билим ва тажрибаларимга суяниб айта оламанки, нима бўлганда ҳам босма нашрлар - газета, журнал ва китобнинг ўрнини ҳеч нарса боса олмайди. Чунки босма нашрларда чоп этилган мақола, хабар ёки эълонни ўқиган киши мулоҳаза юритади, тил қоидаларини ўрганади. +олаверса, босма нашрлар узоқ йиллар сақланиши боис кун келиб кимларгадир асқатиши мумкин.

"Бугун ҳамма интернетдан фойдаланяпти, биров китоб ўқимай қўйди, китобга эҳтиёж ҳам қолмади" деган асоссиз  фикрлар тез-тез қулоғимизга чалиниб қолади. Лекин бу фикрлар унчалик ҳам тўғри эмас. Бунинг исботи сифатида Заҳириддин Муҳаммад Бобур номидаги вилоят Ахборот-кутубхона марказига қачон йўлим тушса, ҳамиша китоб ўқиб ўтирган инсонлар, айниқса, кўплаб ёшларга кўзим тушади. Ҳар гал бирор ўриннинг  бўш турганига кўзим  тушмайди. Демак, мунтазам китоб ўқишни хоҳловчи ёшлар кўп. Бизнинг асосий вазифамиз ана шу  ёшлар сафини янада кенгайтиришдан иборат.

Ўзим фаолият олиб бораётган марказда ҳам ҳар куни ўзларини қизиқтирган ёки ўқиши, иши учун зарур бўлган китобларни сўраб келувчилар, айниқса, ёш китобхонлар талайгина. +увонарлиси, уларнинг сафи кундан-кунга ортиб бормоқда.

Шу кунларда юртимиз бўйлаб, “Ўзбекистон – китобхонлар юрти” шиори остида ўтказилаётган “Китобхонлик ҳафталиги” доирасидаги тадбирларда ҳам ёш китобхонлар фаол иштирок этишмоқда.

Ишонч билан айта оламанки, китобни ўзига дўст тутиб, билими, тафаккурини бойитиб бораётган ёшлар ҳеч қачон кам бўлмайди. Улар келажакда, ҳаётда ўзларининг муносиб ўринларини топади, эл-юрт орасида албатта, ҳурмат-эътибор қозонади.

Халқимизда "Зар қадрига заргар етади" деган доно мақол бор. Бугун ахборот кутубхона марказларига китоб, газета, журналлар сўраб келувчилар бор экан, китобга эҳтиёж йўқолмайди, китоб ҳеч қачон қадрсизланмайди.

Маҳлиё ҲАКИМОВА,

Қорасув шаҳар ахборот-кутубхона маркази мутахассиси.

Қилмиш-Қидирмиш

     Мамлакатимиз қонунчилигида фуқароларнинг электр энергияси, табиий газ ҳамда ичимлик сувидан белгиланган тартиблар асосида фойдаланишлари қатъий белгилаб қўйилган. Бироқ кейинги пайтларда бу борада айрим фуқаролар томонидан белгиланган тартибларни бузиш ҳолатлари бирмунча ортиб бораётганлиги ташвишлидир. Жумладан, жорий йилнинг биринчи чорагидаги фаолиятим давомида мазкур йўналишдаги, яъни Ўзбекистон Республикаси МЖтКнинг 101-моддасида кўзда тутилган - "Электр, иссиқлик энергияси, газдан фойдаланиш қоидаларини бузиш" билан боғлиқ ҳуқуқбузарлик холати бўйича 40 та иш доирасида 40 нафар фуқарога нисбатан иш ҳужжатлари кўриб чиқилди.

Ўзбекистон Республикаси МЖтКнинг 101-моддасида қуйидаги ҳолатлар ҳуқуқбузарлик деб ҳисобланади:

Умумий фойдаланишдаги электр, иссиқлик, газ тармоқларига ўзбошимчалик билан уланиш ёки улардан фойдаланиш қоидаларини бошқача тарзда бузиш ёхуд электр, иссиқлик энергияси, табиий газни ҳисобга олиш асбобларига шу жумладан, уларнинг пломбаларига  қасддан шикаст етказиш ёки бундай ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш.

+онунчиликда мазкур ҳуқуқбузарликка йўл қўйган фуқароларга - базавий ҳисоблаш миқдорининг ўн бараваридан ўн беш бараваригача, мансабдор шахсларга эса - йигирма бараваридан йигирма беш бараваригача миқдорда жарима солиш белгиланган.

Бундан ташқари, ўзбошимчалик билан эгаллаб олинган ер участкаларида қурилган бинолар ҳамда иншоотларни электр энергияси, иссиқлик ва газ таъминоти ташкилотлари томонидан электр, иссиқлик ва газ тармоқларига ўзбошимчалик билан улаш - мансабдор шахсларга базавий ҳисоблаш миқдорининг етмиш бараваридан саксон беш бараваригача миқдорда жарима солишга сабаб бўлади.

Ушбу модда умумий фойдаланишдаги электр ёки газ тармоқларига тижорат мақсадларида ўзбошимчалик билан уланиш ёхуд электр энергиясини, табиий газни ҳисобга олиш асбобларига, шу жумладан, уларнинг пломбаларига қасддан шикаст етказиш ёҳуд ҳисобга олиш асбобларининг кўрсаткичларини ўзгартириш мақсадида уларга ташқаридан аралашиш орқали оз миқдорда ўғирлаш билан боғлиқ ҳаракатлар содир этилганда қўлланилмайди.

Жиноят ишлари бўйича туман суди томонидан кўрилган ишлар таҳлил қилинганида, юқоридаги каби ҳуқуқбузарликларга йўл қўйиб, давлатга, таъминотчи ташкилотларга кўп миқдорда зарар етказиш ҳолатлари аниқланганлигини кўриш мумкин.

Хусусан, 2024 йил 23 декабрь куни "Ҳудудгазтаъминот" Андижон вилояти Булоқбоши тумани бўлими ходимлари томонидан Булоқбоши тумани, Фаровон маҳалласида яшовчи фуқаро Р.М. ўз хонадонида газдан фойдаланиш тартибини бузиб, "газ ҳисоблагич"дан уланмаган ҳолда, ўзбошимчалик билан газ тармоғига тўғридан-тўғри уланиб олган. Унинг табиий газдан ноқонуний равишда фойдаланиши натижасида "Ҳудудгазтаъминот" Булоқбоши тумани бўлимига 3 миллион  49 минг 290 сўм моддий зарар етказилган.

Шунингдек, 2024 йил 27 декабрь куни "Ҳудудгазтаъминот" Андижон вилояти Булоқбоши тумани бўлими ходимлари томонидан Булоқбоши тумани, Чақар маҳалласида яшовчи, фуқаро З.С. ўзининг хонадонида газдан фойдаланиш тартибини бузиб, "OSTEN" G-6 газ ҳисоблагич ускунасига ташқи таъсир кўрсатиб, табиий газдан ноқонуний равишда фойдаланиб, "Худудгазтаъминот" туман бўлимига 4 миллион 85 минг 220 сўм моддий зарар етказган.

2024 йил 23 декабрь куни "Андижон худудий электр тармоқлари корхонаси" АЖ Булоқбоши тумани электр таъминоти бўлими ходимлари томонидан навбатдаги кўрик ўтказилганда Булоқбоши тумани, Нефтчилар маҳалласида яшовчи, фуқаро Н.С. ўз хонадонида ўзбошимчалик билан электр тармоғига уланиб, электр энергиядан ноқонуний равишда фойдаланиб, "Андижон ҳудудий электр тармоқлари корхонаси" АЖ Булоқбоши тумани бўлимига 5 миллион 804 минг 640 сўм зарар етказган.

Юқоридаги каби ҳолатлар юзасидан суд иш ҳужжатлари ўрганиб чиқилиб, тегишли қарорлар қабул қилинган, фуқаролар томонидан етказилган моддий зарар пуллари судга қадар ҳамда суд жараёнларида ундирилган.

Шу ўринда фуқароларимизга қинғир иш кун келиб, албатта, юзага чиқишини унутмасликларини, электр энергияси ва табиий газдан белгиланган тартиблар доирасида фойдаланишларини, юқоридаги каби ҳуқуқбузарликларга йўл қўймасликларини сўраб қоламиз.

Муҳайёхон ТУРДИЕВА, 

Жиноят ишлари бўйича Булоқбоши туман судининг тергов судьяси.

Тадбир

    Марҳамат туманида 18 апрель - Ёдгорликлар ва тарихий жойларни асраш халқаро кунига бағишланиб, "Мингтепа - маданий мерос" жамоат фонди томонидан танлов, кўргазма ва давра суҳбати ўтказилди.

Туман ҳокимлиги, Маънавият ва маърифат маркази туман бўлинмаси билан ҳамкорликда ташкил этилган ана шу тадбирларни ўтказишдан кўзланган асосий мақсад, Мингтепа ёдгорлиги, шунингдек, вилоятимизнинг турли ҳудудларида жойлашган тарихий жойлар, маданий ёдгорликлар,  зиёратгоҳ ва қадамжолар ҳақида жамоатчиликка кенг маълумотлар бериш, уларни ўрганиш, тарғиб этиш, шу орқали юртдошларимиз, айниқса, ёшлар қалбида тарихий меросга ҳурмат, Ватанга муҳаббат туйғуларини мустаҳкамлашдан иборат.

Танловда мактаб ўқувчилари, талабалар, ўқитувчилар, илмий ходимлар, тарихга ҳавасманд фуқаролар иштирок этдилар.

Тадбирнинг биринчи қисми - танлов ва кўргазмалар "Турон" ўқув маркази қошидаги "Маънавият боғи"да, иккинчи қисми - илмий, адабий ҳамкорлик бўйича давра суҳбати "Ёшлар кутубхонаси"да бўлиб ўтди.

Танловга олтита йўналишда юборилган илмий-маърифий мақолалар сараланиб, энг яхши, деб топилган мақолалар муаллифлари диплом ва эсдалик совғалари билан тақдирландилар. +олган барча иштирокчиларга китоблар жамланмаси совға қилинди.

Тадбирда "Сариқ аждар ҳамласи" асарининг қирғиз тилига таржимаси, Марказий Осиё халқлари ўртасидаги адабий алоқалар, маънавий мероснинг жамиятдаги ўрни масалалари муҳокама қилинди. +ирғизистон халқ шоири Торабой Жўраев таржима жараёни, ўзбек ва қирғиз ижодкорларининг адабий ҳамкорлиги, "Ўш садоси" газетаси муҳаррири Соҳиба Шокирова эса асар таржимасининг таҳрир жараёни ҳақида гапирди.

Ушбу анъанавий тадбир нафақат тарихни ўрганиш ва маданий меросни асрашга, балки ўзаро дўстлик, қардошлик ва илмий ҳамкорликни мустаҳкамлашга хизмат қилди.

Шаҳло ҲУСАНОВА,

"Мингтепа-маданий мерос" жамоат фонди раҳбари.

Намунали таълим масканлари

    Вилоятимиздаги  барча техникумларда бўлгани каби Андижон Медиатаълим техникумида ҳам ўқувчи ёшларга билим бериш, замонавий, бозор талабларига мос касбларга ўқитиш бўйича зарур ишлар олиб борилмоқда.

Барчамизга яхши аёнки,   кейинги йилларда мамлакатимизда таълим тизимининг барча   босқичларида ислоҳотлар амалга оширилмоқда. Шу жумладан, янги ташкил этилган техникумларда таҳсил олаётган ёшларнинг пухта билим олиши, касб-ҳунар эгаллаши учун кенг имкониятлар яратилди. Бу эртамиз эгаларининг билимли, касб-ҳунарли, юксак салоҳиятли бўлиб камол топишларида муҳим аҳамият касб этмоқда.

Мазкур йўналишдаги ибратли ишларни техникумимиз мисолида ҳам яққол кўриш мумкин. Ҳозирда техникумимизда 400 нафардан зиёд ўқувчи мактабгача таълим, компьютер инжиниринг, спорт ва АРМ йўналишларида кундузги, сиртқи ва дуал таълим асосида таҳсил олади. Уларнинг пухта билим олишлари, муайян касбни эгаллашлари учун барча шароитлар яратилган.

Тажрибали ва ташаббускор педагог Хуршида Алижонова раҳбарлик қилаётган жамоамизда 60 нафар педагог-ходим меҳнат қилади. Уларнинг 20 нафарини олий маълумотли педагоглар ташкил этади. Педагогларнинг 3 нафари ўз йўналишлари бўйича магистр даражасини олган устозлардир.

Айниқса, касбий таълим  бўйича директор ўринбосари Муҳаббат Бобохонова, Зарифахон +одирова, Нигорахон Олимова, Хуршида +улматова, Дилноза Файзуллаева, Гулбаҳор Муҳиддинова сингари тажрибали ўқитувчиларимизнинг самарали фаолияти бутун жамоамизга намуна бўлмоқда.

Техникумни имтиёзли битирган, маълум ютуқларга эришган ўқувчиларимиз республикамизнинг барча олий таълим муассасаларига суҳбат асосида қабул қилинади.

Техникумимиз вилоятимизнинг таълим, спорт муассасалари, кутубхоналарига малакали мутахассислар етказиб бераётган етакчи таълим даргоҳларидан бири ҳисобланади. Хусусан, таълим масканимизда ўқувчиларнинг пухта билим олишлари, дарсдан бўш вақтларини мазмунли ўтказишлари учун замонавий жиҳозлар билан таъминланган ўқув хоналари, касбий таълим бўйича устахоналар, махсус лабораториялар, лингафон, информатика, мультмедия хоналари, 22 мингта китоб фондига эга ахборот-ресурс маркази, спорт зали, ошхона ҳамда 3 қаватли ётоқхона мавжуд.

Шу ўринда алоҳида таъкидлаш керакки, ўтган йили вилоят ҳокимининг кўмаги билан техникумимизнинг уч қаватли ётоқхонаси таъмирлаб берилди. Ўқувчиларимизнинг яшаши учун зарур барча шароитлар яратилди. Ёруғ, кенг ва бежирим хоналар зарур жиҳозлар билан таъминланди, ҳар бир қаватдаги ошхоналарга зарур жиҳозлар ўрнатилди, музлаткич, кир ювиш машиналари билан таъминланди.

 Шунингдек, бугунги кунда техникумда педагогика, психология, чеварлик, инглиз тили, рассомчилик, мусиқа сингари 10 га яқин фан ва касб тўгараклари, футбол, баскетбол бўйича спорт шўъбалари самарали фаолият кўрсатмоқда.

Техникумимизда гуруҳлараро турли беллашувлар, қизиқарли тадбирлар мунтазам ўтказиб турилади. Хусусан, шу кунларда мамлакатимизда ўтказилаётган "Китобхонлик ҳафталиги" доирасида "Китобдан яқин дўст бўлмас", "Китоб - маънавият булоғи" мавзуларида маънавий-маърифий тадбир ва давра суҳбатларида китобхонлик кенг тарғиб этилмоқда.

Яратилган имкониятлардан унумли фойдаланиб, фан олимпиадалари, касблар бўйича турли танловлар, санъат фестиваллари, спорт мусобақаларида муваффақиятли иштирок этиб, ғолиб ва совриндорлар қаторидан ўрин олаётган ўқувчиларимиз ҳам талайгина.

Масалан, Мактабгача таълим йўналиши 1- босқич талабаси Махсума Ҳакимова сув спортининг эшкак эшиш слаломи тури бўйича кўплаб мусобақаларда ғолиб бўлди. Ҳозирда Тошкент шаҳрида ўтказилаётган   Ўзбекистон чемпионатида иштирок этмоқда.

Шунингдек, спорт йўналиши ўқувчиси Аброрбек Мусаев кикбоксинг бўйича Таиландда ўтказилган Жаҳон кубоги мусобақасида 81 килограмм вазн тоифасида ғолиблар қаторидан жой олди.

Умуман, техникумимизда юқоридаги каби турли танлов ва мусобақаларда муваффақиятли иштирок этаётган ўқувчиларимиз оз эмас. Бу каби ўқувчиларимиз сафи жорий йилда янада ортади.

Жамоамиз эришаётган муваффаққиятларда техникум раҳбарияти, ҳар бир ўқитувчининг муносиб ҳиссаси бор, албатта. Ишонч билан айта оламанки, ўқувчиларимиз эришаётган ютуқлар салмоғи янада ортади. Замонавий касбларни эгаллаётган ўқувчиларимиз юртимиз тараққиёти ва ривожига муносиб ҳисса қўшади.

Саидахон ХОДЖАЕВА,

Андижон Медиатаълим техникуми ўқитувчиси.

ҲуҚуҚ ва ислоҳот

     Бугунги кунда ижтимоий ҳаётимизнинг ҳамма соҳаларида кенг кўламли ислоҳотлар амалга оширилмоқда. Шу жумладан, суд-ҳуқуқ тизими фаолияти ҳам такомиллашиб, ривожланиб бормоқда.

     Кейинги йилларда суд-ҳуқуқ тизимини такомиллаштириш, фаолиятини янада юқори   босқичга кўтаришга қаратилган қатор қонунлар, Президент, ҳукумат, шунингдек, Ўзбекистон Республикаси Олий суди Пленумининг Фармон ва қарорлари қабул қилиниб, тизимнинг мустаҳкам ҳуқуқий базаси яратилди. Натижада суд ишларни кўришда очиқлик, шаффофлик шаклланди. Бугунги кунда аксарият суд жараёнларини онлайн кузатиш имкони яратилган. Бундан ташқари, судьянинг мустақиллиги, дахлсизлиги, улар фаолиятига аралашишга йўл қўйилмаслиги давлат томонидан кафолатланди. Бу одил судловга эришиш - қонуний, асосланган ва адолатли суд қарорлари қабул қилинишини таъминламоқда.

+олаверса, судлар томонидан қонунчилик доирасида жисмоний ва юридик шахсларнинг мурожаатларини ўз вақтида ҳал этиш, мурожаатларни кўриб чиқишда сансалорлик ва бефарқ муносабатда бўлиш ҳолатларига йўл қўйганлик учун жиноий жавобгарликкача бўлган жавобгарликнинг муқаррарлигини таъминлаш, шунингдек бузилган ҳуқуқларни тиклаш бўйича ҳам зарур чоралар қўрилмоқда.

Юқоридаги ишлар энг аввало, жамиятимизда қонун устуворлигини таъминлашга, фуқароларни қонуний ҳуқуқлари ҳимоясини кучайтиришга, уларнинг шаъни, қадр-қимматини улуғлашга, шунингдек, суд идораларига бўлган ишончини мустаҳкамлашга хизмат қилмоқда.

Шу ўринда таъкидлаш керакки, адолатли, ҳуқуқий-демократик давлат, эркин фуқаролик жамияти барпо этиш йўлидан дадил одимлаб бораётган юртимиз тараққиётида, қолаверса, ҳуқуқбузарлик, жиноятчилик ҳолатларининг олдини олишда шубҳасиз, аҳолининг ҳуқуқий билим ва саводхонлиги муҳим ўрин тутади. Ана шундан келиб чиқиб, Жиноят ишлари бўйича Булоқбоши туман суди томонидан фуқароларнинг ҳуқуқий билимларини ошириш, уларда жамиятимиздаги жараёнларга    даҳлдорлик ҳисси билан яшаш кўникмаларини шакллантириш масалаларига алоҳида эътибор қаратилмоқда.

Ҳамкор ташкилотлар билан жойларда ўтказилаётган турли тадбирлар, сайёр суд жараёнлари доирасида фуқаролар билан суҳбат ва мулоқотлар ўтказилмоқда, уларнинг ҳуқуқий билим ва саводхонлигини оширишга кўмаклашилмоқда.

Судьяларимиз томонидан фуқароларнинг суд қарорлари, судларга онлайн ариза бериш, суд қарорларини электрон тарзда олиш, шунингдек, оталикни белгилаш, алимент, коммунал тўловлар, моддий ёрдам олиш сингари қатор масалалар юзасидан мурожаатларига ҳуқуқий тушунтиришлар берилмоқда.

Бир сўз билан айтганда, фаолиятимиз давомида ишларни белгиланган тартиблар асосида адолатли, шаффоф кўриш, одил қарорлар чиқариш билан бирга, аҳолининг ҳуқуқий билим ва саводхонлигини, ҳуқуқий маданиятини юксалтиришга ҳам алоҳида эътибор қаратяпмиз. Бу борадаги ишларни бундан буён ҳам изчил давом эттирамиз. Мақсадимиз, юртдошларимизнинг ҳуқуқий билимларини бойитиш орқали ҳуқуқбузарлик ва жиноятчилик ҳолатларининг олдини олишга, жамиятимиз ривожига муносиб ҳисса қўшишдир.  

Нодирбек МИРЗАЖОНОВ,

жиноят ишлари бўйича Булоқбоши туман

судининг раиси.

Мутахассис минбари

     Кейинги йилларда мамлакатимизда давлат хизматчилари фаолияти самарадорлигини ошириш, уларни ҳар жиҳатдан қўллаб-қувватлашга,  айниқса, уларнинг касбий, маънавий жиҳатларига алоҳида эътибор қаратилмоқда.

Бу борада давлат хизматчиси бошқаларга ўрнак ва намуна бўлиши керак. Унинг одоб-ахлоқи, ўзини тутиши, аҳоли вакиллари билан мулоқот маданияти жамоатчилик назарида бўлишини унутмаслик лозим. Шу сабабли давлат хизматининг таркибий қисми бўлган давлат фуқаролик хизматчиларининг одоб-ахлоқ қоидалари тартибга солиниб, доимий равишда такомиллаштириб борилмоқда.

Хусусан, Ўзбекистон Республикаси Вазирлар Маҳкамасининг 2022 йил 14 октябрдаги "Давлат фуқаролик хизматчилари томонидан одоб-ахлоқ қоидаларига риоя этилишини таъминлаш  бўйича қўшимча чора-тадбирлар тўғрисида"ги  қарори билан Давлат фуқаролик хизматчилари одоб-ахлоқининг намунавий қоидалари, Одоб-ахлоқ комиссияси тўғрисидаги намунавий низоми тасдиқланган.

Ушбу низомда давлат хизматчилари риоя қилиши шарт бўлган қоидалар белгилаб қўйилган. Яъни улар: "Хушмуомалалик, эътиборлилик ва ҳушёрлик билан фуқароларда давлатга нисбатан ишонч ва ҳурмат ҳиссини уйғотиши, "Оиласида соғлом муҳитни таъминлаб, оила аъзоларига доимий ғамхўр бўлиш, фарзандларида ватанпарварлик ва бошқа юксак ахлоқий фазилатларни шакллантириш"лари лозим.

Давлат хизматчилари,  шунингдек, ишдан ташқари пайтларда маишатбозлик, ичкиликбозликдан сақланиб, жамоат жойларида одоб сақлаши, ўзига бевосита ёки билвосита алоқадор давлат идораларидан қимматбаҳо совға олмаслиги талаб этилади. Хизмат гувоҳномасини кўрсатиб, қандайдир ишини битириши, лавозимини суиистеъмол қилмаслиги керак.

Ушбу намунавий қоидалар ижроси давлат органлари ва ташкилотларининг Инсон ресурсларини бошқариш бўлинмалари ва одоб-ахлоқ комиссиялари ва махсус ваколатли давлат органлари орқали назорат қилинади. +оидалар бузилишига оид ҳолатлар ташкилот раҳбарлари томонидан Одоб-ахлоқ комиссияларига киритилади. +онунлар бузилиши билан боғлиқ ҳолатлар раҳбар топшириғига, ҳуқуқни муҳофаза қилиш идоралари мурожаатига, ўз ташаббуси ва ҳуқуқий ҳамда жисмоний шахслар мурожаатига кўра кўриб чиқилади.

Давлат хизматчилари томонидан одоб-ахлоқ қоидаларига риоя этмаганлик ҳолати уларга нисбатан ахлоқий ва интизомий таъсир чораларини қўллаш учун acoc бўлади.

Муҳаммаджон МАЪМУРЖОНОВ,

Ўзбекистон Республикаси Президенти ҳузуридаги Давлат хизматини ривожлантириш агентлиги Андижон вилояти филиали АКТ етакчи инспектори.

Сенда отам, сенда онам, ёримнинг меҳри,

Бобурни орзиқтирган қовуннинг сеҳри,

Сендадир орият, мардликнинг муҳри,

Фахрим, бахтим ўзинг, жоним Андижон!

Боғишамолларинг жаннатдай кўркам,

Боғи Эрамлардан ҳеч эмассан кам,

Эркнинг қучоғида бахтим-да, бекам,

Фахрим, бахтим ўзинг, жоним Андижон!

Тонг саҳардан сув сепилган кўчанг ободдир,

Ифтихорнинг сўзи дилда улкан саботдир,

Тиллардаги мадҳинг янгроқ, гўзал баётдир,

Фахрим, бахтим ўзинг, жоним Андижон!

Юртим асли тенгсиздирсан, қадринг осмон,

Эркинг учун ўғил-қизинг муносиб посбон,

Тараққиёт йўлидаги энг нурли карвон,

Фахрим, бахтим ўзинг, жоним Андижон!

Нодирбек АБДУЛҲАМИДОВ,

Марҳамат тумани.

Адабий тадбир

    "Ўзбекистон - китобхонлар юрти" шиори остида ўтказилаётган V республика "Китобхонлик ҳафталиги" доирасида вилоятимизда қатор маънавий-маърифий, адабий тадбирлар, ижодкорлар билан учрашувлар бўлиб ўтмоқда.

З.М.Бобур номли вилоят Ахборот кутубхона марказида Ўзбекистон халқ шоири, элимизнинг суюкли ижодкори Муҳаммад Юсуфнинг ҳаёти ва ижодига бағишланиб ташкил этилган "Юрагимга кириб келган баҳорим" мавзусидаги хотира кечаси ана шундай тадбирлардан бири бўлди.

Ёзувчи ва шоирлар, адабиётшунослар, ижодкор ёшлар, китобхонлар, Андижон шаҳридаги Президент, ижод ва умумтаълим мактаблари ўқитувчи ва ўқувчилари иштирок этган тадбирда сўз олган Ахборот ва оммавий коммуникациялар агентлиги Андижон вилояти бошқармаси бошлиғи Зоҳиджон Тожибоев, вилоят Ахборот кутубхона маркази раҳбари Гулнорахон Исмоилова ва бошқалар иштирокчиларни китобхонлик байрами билан табриклади. Китобнинг инсон камолоти, жамият ривожидаги ўрни ва роли муҳим эканлигини таъкидлаб, ёшларни кўп китоб ўқишга чақирди.

Шундан сўнг Ўзбекистон Ёзувчилар уюшмаси аъзолари Восит Аҳмад, Нажмиддин Икромий, Орифжон Мелиев марҳум шоир Муҳаммад Юсуфнинг ҳаёти ва ижоди ҳақида гапирдилар.

-      Муҳаммад Юсуф Аллоҳ берган иқтидор ва истеъдод соҳиби эди, - дейди Ўзбекистон Ёзувчилар уюшмаси аъзоси Восит Аҳмад. - Кўриниши, қалби, юриш-туриши ўзидай содда шоирнинг қалби болалигидан адабиётга, шеъриятга ошуфта эди. Ана шу ошуфталик йиллар давомида ўсди, сайқалланди ва йиллар ўтиб, уни халқнинг суюкли шоирига айлантирди.

Ҳа, ҳақиқатдан ҳам Муҳаммад Юсуф ўзбек шеъриятига халқона наволар оҳангини олиб кира олган, камтар, ҳокисор ижодкор эди. Унинг кўринишидан оддий туйилган шеърларида аслида уйғоқ ва безовта туйғулар яширинган. Шу боис, шоир шеърларини бефарқ ўқиб   бўлмайди.

 Эл-юрт ҳурматини қозонган Муҳаммад Юсуф бетакрор шеърлари билан одамларнинг дардини, қалбидаги қувонч ва қайғуларини, она юртга муҳаббат ва садоқат туйғуларини содда ва гўзал мисралар орқали тараннум этган ўзига хос ижодкор эди.

Тадбирда ёш ижодкорлар, ўқувчилар шоирнинг ҳамда унга атаб ўзлари ёзган шеърлардан намуналар ўқишди. Санъаткорлар томонидан шоир шеърлари билан айтиладиган қўшиқлар ижро этилди.

Комилахон ТУРСУНОВА,

жамоатчи мухбир.

тадбир

   Вилоятимизда "Ўзбекистон - китобхонлар юрти" шиори остида V республика "Китобхонлик ҳафталиги" тадбирлари бўлиб ўтмоқда.

Ёзувчи ва шоирлар, ёш ижодкорлар, китобхонлар иштирокида З. М. Бобур номли вилоят Ахборот кутубхона марказида ҳафталик очилишига бағишланган тадбирда сўз олганлар мамлакатимизда юртдошларимиз, айниқса, ёшларнинг маънавиятини, дунёқарашини юксалтириш, тарихимиз, миллий қадриятларимизни улуғлаш, аҳолининг китобхонлик даражаси ва маданиятини ошириш борасида кенг кўламли ишлар олиб борилаётганлиги, хусусан, "Китобхонлик ҳафталиги" мазкур йўналишдаги ишларни янада юқори босқичга кўтаришга хизмат қилаётганлигини таъкидлашди.

  Ҳафталик доирасида вилоят Ахборот кутубхона марказида ўтказилган илк тадбирлар - китоблар ярмаркаси ҳамда шоир ва ёзувчиларнинг китобхонлар билан учрашуви иштирокчиларда унутилмас таассуротлар қолдирди.

Учрашувда Ўзбекистон Ёзувчилар уюшмаси аъзолари Восит Аҳмад, Фарид Усмон, Ориф Мелиев, Нажмиддин Икромий ўзларининг ижоди, янги китоблари, шунингдек, китобнинг жамиятдаги, инсон ҳаётидаги ўрни ва роли, китобхонликни тарғиб этиш ҳақида гапирди.

- Инсон учун китобдан яқин дўст йўқ, - дейди Ўзбекистон Ёзувчилар уюшмаси аъзоси Фарид Усмон. - +олаверса, мунтазам китоб ўқийдиган инсон билимли, одоб-ахлоқли, юксак маънавиятли шахс сифатида жамиятда албатта, ўз ўрнини  топади. 

Ёзувчилар китобхонларни қизиқтирган саволларга жавоблар қайтаришди.

 "Китобхонлик ҳафталиги" доирасида вилоятдаги таълим муассасалари, меҳнат жамоалари, ҳарбий қисмларда "Китобдан яхши дўст бўлмас", "Манзилимиз - маънавият бекати", "Хонадонга бебаҳо ҳадя", "Кутубхона - иккинчи оилам", "Андижонлик ижодкорлар билан", "Муҳаммад Юсуф - Ватан куйчиси", "Тафаккур хазинаси" каби мавзуларда, шунингдек, Ўзбекистон халқ ёзувчиси Ойбек таваллудининг 120 йиллигига бағишланган маънавий-маърифий, адабий тадбирлар, мушоиралар ўтказилади.

Ҳафталик аҳоли, айниқса, ёшлар ўртасида китобхонлик, мутолаа маданиятини юксалтиришга, уларнинг китобга, адабиётга бўлган муҳаббатини янада оширишга хизмат қилади.

Фахриддин ИБАЙДУЛЛАЕВ

VATAN

O'zgacha uradi yuraklar birdan

Eshitsa nogahon ulug' nomingni.

Yolg'on emas, rosti, haqiqat chindan

Aziz jonimizga darmonsan, Vatan

Yashash, borimizga farmonsan Vatan.

Quloqlar ostida yoqimli, mayin

Ona allasida yangrading ilk bor

Qo’msaymiz bu sasni vaqt o'tgan sayin

Olamda eng buyuk onasan, Vatan

Tantisan, suyuksan, bolasan, Vatan.

Manguberdi, Temur davridan buyon

Bo'ldi jasoratning mayog'i Turon.

Surgay adolatning bayrog'i davron

O'tmishimdan meros karvonsan, Vatan

Kimlargadir orzu, armonsan, Vatan.

Cho'lpon, Fitrat, Nosir, Qodiriy bobom -

Jadidlar o'lmadi, tirikdir hamon

Beqiyos iz qoldi, o'chmaydi mudom

Joni fidolarga makonsan, Vatan

Erkinsan, farovon zamonsan, Vatan.

Tong iliq nafasi - sabosi yelar,

To'rt tomondan tinchlik havosi kelar,

Borliqqa shodlikning navosi yetar

Sozanda sozining kuyisan, Vatan

Ajib taronalar uyisan, Vatan.

Gulshanoy ABDULBOQIYEVA,

Izbiskan tumani.

Cholpon xotirasiga

Tavallud topsaydi hur O’zbekistonda,

Yashardi erkin, go’zal, baxtli zamonda.

She'rlarini o’qib yiglamas edik,

Balki kuylar edik sho’x-sho’x har yonda.

Aytmasdi: "binafsha, u qanday qo’llar

Uzarlar, hidlarlar, yancharlar"-  deya,

Aytardi: "binafsha go’zalsan juda,

Bahorga yarashding bunchalar" - deya.

Balki yozilmasdi "kecha kunduz"ning.

Yurakni o’rtagan mash'um kechasi.

Yozilardi faqat yorug’ kunduzning.

Munavvar tongi-yu porloq ertasi.

Shoirning ko’ksiga otilmasdi o’q.

Taqilardi albat ko’krak nishonlar.

Xazon bo’lmas edi umr yaprog’i.

Yuzlardan oshardi surib davronlar.

Yo’q, shoir o’lmagan, yashaydi hamon.

She’rlarda hamnafas pinhona bo’lib.

Orzu-istaklarin ro’yobi bugun,

Tillardan tushmaydi shukrona bo’lib

 Zumradxon ASTANOVA,

Asaka tumanidagi 22- sonli Bolalar musiqa va san'at maktabining oliy toifali oqituvchisi. 

Andijon gullar shahri

Uchib kelgan kabutarga don beramiz,

Hovuzdagi baliqlarga non beramiz.

Gul ekilgan Xonoboddan Quvagacha,

Gul ekamiz yetti yoshdan buvagacha.

“Oq-yo’l” tilab biz hozircha Namanganga,

Chor atrofi gulzorlarga burkanganga.

Yo‘laklarga ohak surtib tosh teramiz,

Navro‘z kuni elimizga osh beramiz.

Marhamatim, bir tomoni Izboskandir,

Ko‘chasida turli-tuman gul o‘skandir.

Bo’zga kelib sayr eting bog‘u-bo’ston,

Tarixlarga bitiluvchi bitta doston.

Ma’shuqaga yigitlardan dil izhori,

Jon qizlarni titratuvchi ko‘ngil tori.

Muattar hiddan hidlab biz kutamiz,

Qizlarimiz qo‘liga gul biz tutamiz.

Uyimizda yo‘lakchalar gulga to‘lsin,

Kayfiyatlar ko‘tarilib xo’p shod bo‘lsin.

Habibining ifodalab gul ekamiz,

Gulga qo‘shib mehrimizni ham tikamiz.

Barchamiz ham gulga mehr qo‘ysak agar,

G’oliblikning maqomi ham bizga tegar.

Qo‘ldan qo‘lga o‘tib turar g‘alaba ham,

Kelgusida Namanganga bo‘lib hamdam.

Nishonboy hoji Jo`rabek o`g`li

Qo`rg`ontepa tumani.

TONG CAHARDA...

Erta tongda sahnada quyosh,

Raqs tushar go’zal raqqosa.

Qushlar kuylar tinchlik qo’shig’in,

Jo’r  bo’laman mеn ham uyg’ona.

Dimoq’imga  xush yoqar biram ,

Buvim ekkan sada rayhonlar.

Kundan - kunga bo’y  cho’zib  borar,

Lola, xushbo’y  atirgul, chеchaklar.

Onam yopar issiq kulcha non,

Isi tutar butun qishloqni.

Qaymoq bilan еb olamiz so’ng,

O’tlatamiz  qo’yni, uloqni.

Oq bulutlar suzib boradi,

Go’zallikni o’zida jamlab.

Tinchlik, xotirjamlik, baraka,

Qishlog’imda kеzar saharlab.

Dilshoda ABDUMUTALLUBOVA,

Andijon  davlat  chet tillari instituti 3- bosqich talabsi.

FARZANDIMGA

Ko’zimning oq-u  qarosi  erkam, sеnsan,

Uyimning   ko’rki,  chiroyi, sеnsan,

Onajon, dadajon  dеgan so’zlaring bilan

Baq’rimni erkalab, to’ldirgan sеnsan.

Farzandlarni bеrgan Allohga shukr,

Atrofga boqib, qilgin chiroyli fikr.

Umidim kattadir sеndan bolajon,

Bilginki, erkalar sеni Vatan, jonajon.

Sеn uchun qurilgan chiroyli maktab,

Sеn uchun darslik-u, badiiy kitoblar.

O’qigin, olim  bo’l,  bo’lgin  bir shoir,

Olamga  taratgin, yurting dovruqin.

Sеn bo’larsan shifokor yoki muallim,

O’zingsan mеning  polvon,  o’g’lonim.

Vatanga xizmat qil, fidoyi bo’lib,

Bizning umidimizsan, aziz o’g’lonim.

Mavludaxon YORQULOVA,

Andijon shaqar markaziy shifoxonasi bosh qamshirasi.